Si të gatuajmë Musaka – Receta gatimi për Musaka

Për të gatuar Musaka veprojmë në këtë mënyrë:

Skuqim patëllxhanet në tigan në vaj të nxehtë. Në vazhdim i shtrojmë në tepsinë ku do të pjekim musakanë. Në vazhdim, përgatisim kimën. Skuqim qepën, hudhrën dhe kimën në vaj ulliri. E rregullojmë me kripë, piper e rigon dhe shtojmë domatet e konservuara. E përziejmë dhe e lëmë të gatuhet në zjarr mesatar derisa të thithë lëngjet e veta. Në vazhdim, e shtrojmë masën mbi patëllxhane. Përgatisim beshamelin, e hedhim në tepsi derisa të mbulohet mirë dhe e spërkasim me djathë. Pjekim musakanë në 180° Celsius, derisa të marrë ngjyrë.

Për 6 persona nevojiten:

- 500 gr patëllxhane të prera në feta
- ½ kg kimë viçi
- 400 gr domate të konservuara
- 1 qepë e prerë hollë
- pak hudhër
- ½ filxhan çaji djathë kaçkavall të grirë
- 10 lugë gjelle vaj ulliri
- kripë, piper, rigon
- 1 dozë salcë beshamel

Për salcën beshamel:

- 1 lt qumësht,
- 100 gr gjalpë ose margarinë,
- 100 gr miell,
- kripë,
- arrë moskat

musaka

 Ju bëftë mirë nga Sitegatuajme.Net!

1 Comment

  1. Alda Bardhi says:

    receten e deshiroj me mail.

Leave a Reply

© 2014 Si te gatuajme – Receta gatimi te ndryshme shqiptare dhe te huaja · Subscribe: RSS Twitter · Receta Gatimi designed by Si Te Gatuajme