Embëlsira

Si te gatuajme torte me qershi dhe corn flakes

Si te gatuajme torte me qershi dhe corn flakes – Receta gatimi për torte me qershi dhe corn flakes. Për të gatuar këtë ëmbëlsirë veprojmë në këtë mënyrë: Fillimisht përgatisim pjesën bazë të tortës. Copëtojmë cokollatën dhe e shkrijmë në një enë me ujë të nxehtë (banjo mari). Bashkojmë bajamet me corn flakes, dhe me pas hedhim cokollatën e shkrirë duke i përzier me kujdes. Marrim një tepsi me diametër 26 cm, lyejmë pjesën fundore me vaj dhe me pas hedhim përzierjen, duke e lënë përreth 1 orë që të ftohet. Zbusim xhelatinën në ujë të ftohtë. Maskarponen, gjizën, sheqerin vanilje dhe 100 gr sheqer e përziejmë bashkë. Shtypim bananet në lëngun e limonit derisa të bëhen në formë pureje dhe i hedhim në masën me gjizë. Rrahim në mikser ajkën. Xhelatinën e copëtojmë me duar dhe më pas e shkrijmë në një enë të vendosur në zjarr sëbashku me 5 lugë gjelle me gjizën e përzier mirë dhe me pas e përziejmë edhe me masën tjetër të gjizës. Hedhim edhe ajkën e rrahur dhe vazhdojmë ti përziejmë mirë. Këtë krem e hedhim mbi shtresën e cokollatës që shtruam më parë në tepsi duke e rrafshuar mirë. E lëmë të ftohet për 3 orë. Kullojmë qershiat e konservuara dhe lëngun e tyre e vëmë në zjarr të vlojë. Marrim 5 lugë lëng qershije dhe i përzijmë sëbashku me sheqerin dhe niseshten në një tenxhere dhe i përziejmë vazhdimisht për 1 minutë në mënyrë që të mos ngjisë. Pasi e largojmë nga zjarri, shtojmë pjesën e qershive dhe i përziejmë disa herë derisë të ftohet. Këtë përzierje e shtrojmë sipër shtresës së gjizës dhe e lëmë të ftohet për 2 orë të tjera, dhe ja torta është gati për tu provuar e shijuar.

Përbërësit:

  • 100 gr cokollatë e zezë
  • 150 gr cokollatë me qumësht
  • 50 gr bajame
  • 75 gr corn flakes
  • 9 fleta xhelatinë
  • 500 gr maskarpone
  • 500 gr gjizë
  • 1 pako sheqer vanille
  • 125 gr sheqer
  • 3 banane
  • 4 lugë gjelle lëng limoni
  • 720 ml qershi te konservuara (komposto)
  • 250 ml ajkë
  • 30 gr niseshte

 

Ju bëftë mire nga SiteGatuajme.Net!

Pergjigju